Ալեն Սիմոնյանը դատարանում հաղթել է Վազգեն Մանուկյանի կնոջը
ԱԺ նախագահ Ալեն Սիմոնյանը դատարանում հաղթել է ankakh.com-ին:
Այս մասին հայտնել է լրատվականը՝ հրապարակավ հերքելով իր՝ ավելի վաղ գրված հոդվածներից մեկում տեղ գտած տեղեկությունները՝ ընդունելով, որ դրանք եղել են զրպարտանք:
«09․12․2022թ․-ին www.ankakh.com կայքում հրապարակվել է հոդված՝ «Ալեն Սիմոնյանն ու Վահագն Խաչատուրյանը գնումներ են կատարում պետական միջոցներով» վերնագրով։
Հայտնում ենք, որ հրապարակված այդ հոդվածում արված արտահայտությունները զրպարտում են Ալեն Սիմոնյանին և չեն համապատասխանում իրականությանը»,- ասվում է կայքի հրապարակման մեջ:
Վերոնշյալ հոդվածում մասնավորապես ասվում էր. «ՀՀ չորրորդ նախագահ Վահագն Խաչատուրյանն ու Ազգային ժողովի նախագահ Ալեն Սիմոնյանը հագուստ գնում են պետական միջոցներով:
Գնումները ձևակերպվում են որպես պետական գնում՝ ներկայացուցչական ծախսեր, սակայն Ալեն Սիմոնյանի և Վահագն Խաչատուրյանի անձնական օգտագործման զգեստապահարանն են համալրում:
Այստեղ հետաքրքիր է մեկ հանգամանք, թե որտեղից են այդ գնումները անում ՀՀ իշխանության կարկառուն դեմքերը»:
