Նոյեմբերին շուրջ 5 հազար 200 կենսաթոշակառու և նպաստառու կանխիկից անցել է անկանխիկ վճարման տարբերակին

Նոյեմբեր ամսվա ընթացքում շուրջ 5 հազար 200 կենսաթոշակառու և նպաստառու փոխել են վճարման եղանակը՝ անցնելով կանխիկից անկանխիկ վճարման։

Դեկտեմբեր ամսվա տվյալներով՝ անկանխիկ գործարքների դեպքում հետվճարի ծրագրից օգտվել է շուրջ 378 հազար 127 կենսաթոշակառու և նպաստառու, իսկ հետվճարի միջին չափը կազմել է 4.189 դրամ։

Ծրագրի մեկնարկից մինչ օրս կենսաթոշակային քարտերով իրականացվել է շուրջ 342 մլրդ դրամի անկանխիկ գործարք, իսկ հետվճարի ձևով շահառուներին վերադարձվել է շուրջ 31.5 մլրդ դրամ։

Վճարման կանխիկ եղանակից անկանխիկ անցնելու համար կարող պետք է դիմում ներկայացնել առցանց՝ Միասնական սոցիալական ծառայության կայքէջի «Առցանց դիմումներ» բաժնի «Մուտքագրել վճարող կազմակերպության փոփոխության դիմում» պատուհանի միջոցով (հղումը՝ https://online.ssa.am/index.php?r=site%2Findex-pension) կամ մոտենալ Միասնական սոցիալական ծառայության ցանկացած տարածքային կենտրոն։