Վերահաստատվել է ՍԴՀԿ աջակցությունը Կառավարության քաղաքականությանը․ վարչապետն ընդունել է Համբիկ Սարաֆյանին
ՀՀ վարչապետ Նիկոլ Փաշինյանն ընդունել է Սոցիալ Դեմոկրատ Հնչակյան կուսակցության Կենտրոնական վարչության ատենապետ Համբիկ Սարաֆյանին։
Վարչապետը կարևորել է Կառավարության և ՍԴՀԿ-ի միջև ձևավորված կառուցողական համագործակցությունը։ Համբիկ Սարաֆյանը վերահաստատել է կուսակցության աջակցությունը խաղաղության օրակարգին և Կառավարության քաղաքականությանը։
Քննարկվել են ՀՀ կառավարության ներքին և արտաքին քաղաքականությանը վերաբերող հարցեր։
