Ուկրաինայի գործում լավ առաջընթաց կա․ Թրամփ

Ուկրաինայի հակամարտության կարգավորման գործում լավ առաջընթաց կա։ Բանակցությունների նոր փուլը տեղի կունենա փետրվարի 4-5-ը։

Այս մասին հայտարարել է ԱՄՆ նախագահ Դոնալդ Թրամփը։

«Մենք շատ լավ ենք համագործակցում Ուկրաինայի և Ռուսաստանի հետ։ Ես սա առաջին անգամ եմ ասում։

ՄԱԿ-ը «մի փոքր ներգրավված է» կարգավորման գործընթացում», — ասել է նա լրագրողներին՝ Սպիտակ տանը կայացած միջոցառման ժամանակ։

Թրամփը նաև ընդգծել է, որ իր վարչակազմի օրոք Միացյալ Նահանգները Ուկրաինային օգնության գումար չի ուղարկի, ինչպես դա արել էր իր նախորդ Ջո Բայդենը:

Նա հիշեցրեց, որ Միացյալ Նահանգները փոխարենը զենք է վաճառում ԵՄ-ին և ՆԱՏՕ-ին լրիվ գնով, որը հետո ուղարկվում է Ուկրաինա:

Ուկրաինայի հարցով եռակողմ բանակցությունների նոր փուլը նախատեսված էր փետրվարի 1-ին՝ կիրակի օրը։ Այն սակայն հետաձգվել էր և տեղի կունենա փետրվարի 4-5-ը։