Իրանի գերագույն առաջնորդ Ալի Խամենեին տարհանվել է անվտանգ վայր
Իրանի գերագույն առաջնորդ Ալի Խամենեին լքել է Թեհրանը՝ իսրայելական ավիահարվածների պատճառով։ Նա տարհանվել է անվտանգ վայր։
Այս մասին հայտնել է Reuters գործակալության պաշտոնական ներկայացուցիչը։
«Իրանի գերագույն առաջնորդ, այաթոլլահ Ալի Խամենեին այլևս չի գտնվում Թեհրանում. նա տեղափոխվել է անվտանգ վայր»,- ասված է հաղորդագրության մեջ։
Իրանական լրատվամիջոցները հայտնել են Թեհրանի Համալսարանական և Ջոմհուրի փողոցների շրջանում հրթիռների հարվածների մասին։
Ավելի վաղ Իսրայելի արտաքին գործերի նախարարությունը հայտարարել էր, որ Իսրայելը կանխարգելիչ հարված է հասցրել Իրանին՝ Իսրայելին սպառնացող վտանգը չեզոքացնելու համար։
Իսրայելի անվտանգության հարցերով պաշտոնյան հայտարարել Էր, որ Իրանի ամբողջ իշխանությունը թիրախ է եղել, այդ թվում՝ Խամենեին։
Իրանը և Իսրայելը փակել են իրենց օդային տարածքները։
