Իրանի նախկին նախագահ Մահմուդ Ահմադինեժադը սպանվել է. INLA
Իրանի նախկին նախագահ Մահմուդ Ահմադինեժադը սպանվել է Թեհրանի վրա ԱՄՆ-Իսրայելական հարձակման ժամանակ։ Նա հարձակման պահին գտնվում էր Նարմակ շրջանում։
Ահմադինեժադի մահվան մասին հայտնել է իրանական INLA լրատվական գործակալությունը։
Հաղորդվել է, որ Իրանի նախկին նախագահը մահացել է իր թիկնապահների հետ միասին։
Ահմադինեժադը նախագահի պաշտոնը զբաղեցրել է 2005 թվականի օգոստոսից մինչև 2013 թվականի օգոստոսը։
Նրա ղեկավարությամբ մեկնարկել են էներգետիկայի ոլորտում խոշոր բարեփոխումներ, և արագացել է Իրանի միջուկային ծրագրի զարգացումը։
Փետրվարի 28-ից ի վեր Իսրայելը և ԱՄՆ-ն ռազմական գործողություններ են իրականացնում Իրանի դեմ։ ԱՄՆ-ն և Իսրայելը շաբաթ օրը մի շարք հարվածներ են հասցրել իրանական թիրախներին, այդ թվում՝ Թեհրանին, ինչը վնասներ և քաղաքացիական անձանց շրջանում զոհերի պատճառ է դարձել։
Իրանը հակադարձել է հրթիռային հարվածներով՝ ուղղված Իսրայելի տարածքին, ինչպես նաև Մերձավոր Արևելքի տարբեր երկրներում գտնվող ԱՄՆ ռազմական օբյեկտներին։
Հիշեցնենք՝ ամերիկյան և իսրայելական հարվածների հետևանքով սպանվել է Իրանի Գերագույն առաջնորդ Ալի Խամենեին:
