Ղրիմում ռազմատրանսպորտային ինքնաթիռ է կործանվել, անձնակազմի անդամները և ուղևորները զոհվել են
Ղրիմում Ան-26 ռազմատրանսպորտային ինքնաթիռ է կործանվել, ինչի հետևանքով զոհվել է անձնակազմի վեց անդամ և 23 ուղևոր։
Այդ մասին հայտնել է Ռուսաստանի պաշտպանության նախարարությունը։
Ռազմական գերատեսչության տվյալով՝ ինքնաթիռի հետ կապը կորել է մարտի 31-ի երեկոյան՝ ժամը 18:00-ի սահմանում։
Նշվել է, որ «ինքնաթիռի վրա որևէ վնասակար ազդեցություն չի եղել»։
«Վթարի նախնական պատճառը տեխնիկական անսարքությունն է», — ասվում է պաշտպանության նախարարության հայտարարության մեջ։
Ռուսական լրատվամիջոցների պնդմամբ, սակայն, ինքնաթիռը բախվել է ժայռին։
