ՏԿԵ նախարարը և ԱՄՆ գործերի ժամանակավոր հավատարմատարը քննարկել են էներգետիկ, տրանսպորտային ոլորտներին վերաբերող հարցեր
ՀՀ տարածքային կառավարման և ենթակառուցվածքների նախարար Դավիթ Խուդաթյանն ընդունել է Հայաստանում ԱՄՆ գործերի ժամանակավոր հավատարմատար Դեյվիդ Ալենին։«Բարձր եմ գնահատել ԱՄՆ ներդրումը տարածաշրջանում հաստատված խաղաղության գործում։
Հանդիպման ժամանակ քննարկել ենք էներգետիկ, տրանսպորտային ոլորտներին վերաբերող հարցեր։
Առանձին անդրադարձ ենք կատարել վերականգնվող էներգետիկային և այդ ոլորտի օրենսդրական կարգավորումներին, ինչպես նաև հանքարդյունաբերության ոլորտին։
Դեյվիդ Ալենը շնորհակալություն է հայտնել ընդունելության համար և պատրաստակամություն հայտնել սերտորեն համագործակցել ՏԿԵ նախարարության հետ՝ առկա օրակարգով սահմանված ծրագրերն իրագործելու և համագործակցությունն ընդլայնելու ուղղությամբ։
Պայմանավորվել ենք նախանշված ուղղություններով շարունակելու արդյունավետ համագործակցությունը»,- ֆեյսբուքյան իր էջում գրել է նախարարը։
