Մենք Ռուսաստանի հետ չենք պատերազմելու, բոլոր խնդիրները բարձրաձայնելու ենք, փորձելու ենք լուծելով առաջ գնալ
«Մենք Ռուսաստանի հետ որևիցե հարցով չենք պատերազմելու, չենք կռվելու, բոլոր խնդիրները բարձրաձայնելու ենք և փորձելու ենք լուծելով առաջ գնալ:
Մենք մեզնից որևիցե սպառնալիք չենք ներկայացնում Ռուսաստանին, չենք պատրաստվում սպառնալիք դառնալ, և նման մտադրություն չկա»:
Այս մասին լրագրողների հետ ճեպազրույցում ասել է Ազգային ժողովի նախագահ Ալեն Սիմոնյանը՝ պատասխանելով ՌԴ-ում հայ գործարարների ունեցած խնդիրների մասին դիտարկումներին:
Սիմոնյանը հույս է հայտնել, որ բոլոր խնդիրները կքննարկվեն ու կլուծվեն: Նրա խոսքով՝ ինչ-որ հարցեր կան, այդ հարցերը բոլոր երկրների մեջ գոյություն ունեն:
Ճշտող հարցին՝ արդյոք ՌԴ պաշտոնյաները ըմբռնումո՞վ են մոտենում հայտարարությանը, թե ԵԱՏՄ-ում Հայաստանը կմնա այնքան, ինչքան կարողանա, Սիմոնյանը պատասխանել է՝ եթե ըմբռնումով չմոտենան, կխոսեն այդ մասին նրանց հետ:
