Անկեղծ բանակցությունների գլխավոր խոչընդոտը հանձնառությունների խախտումն է. Փեզեշքիան
ԱՄՆ նախագահ Դոնալդ Թրամփը հայտարարել է Իրանի հետ հրադադարը երկարաձգելու մասին, մինչև Իրանը ներկայացնի իր առաջարկները, և քննարկումներն ավարտվեն:
Սպիտակ տան խոսնակը նշել է, որ Թրամփը դեռ հստակ վերջնաժամկետ չի սահմանել Իրանի առաջարկները ստանալու համար:
Իրանի նախագահ Մասուդ Փեզեշքիանը հայտարարել է, որ երկիրը միշտ ողջունել է երկխոսությունը, իսկ անկեղծ բանակցությունների գլխավոր խոչընդոտներն են հանձնառությունների խախտումը, շրջափակումը և սպառնալիքները:
Իրանի խորհրդարանի խոսնակն էլ հայտարարել է, որ համապարփակ հրադադարն իմաստ կունենա, եթե չուղեկցվի ծովային շրջափակումով, և եթե Իսրայելը դադարեցնի ռազմական գործողությունները բոլոր ճակատներում:
Մոհամմադ Բաղեր Ղալիբաֆի խոսքով՝ Հորմուզի նեղուցի վերաբացումն անհնար կլինի հրադադարի լուրջ խախտումների դեպքում:
