Կոնգրեսական Ֆրենկ Փալոնին Բաքվում հետապնդել ու հալածել են. նա լքել է Ադրբեջանը

ԱՄՆ կոնգրեսական Ֆրենկ Փալոնը լքել է Ադրբեջանը:

Այս մասին ադրեջանական APA գործակությունը տեղեկություն է ստացել դիվանագիտական աղբյուրներից։

Նշենք, որ Փալոնի այցն Ադրբեջան սուր դատապարտման և հասարակության վրդովմունքի տեղիք է տվել, վերջինիս Բաքվում հետապնդել ու հալածել են:

Փալոնը նոյեմբերի 18-ին նախատեսում էր մասնակցել COP29-ին, ինչպես նաև բազմաթիվ հանդիպումներ ունենալ Բաքվում։ Այդ նպատակով նա Բաքու էր ժամանել շաբաթ օրը՝ կեսօրին։

Վերջինիս հետապնդել են նաև տեղի լրագրողները, որոնք խիստ «վիրավորված են եղել» Փալոնի հայամետ դիրքորոշումներից:

Փալոնին հալածել են օդանավակայանում, հյուրանոցում, որտեղ մշտապես «հերթապահել» են մի խումբ հասարակական կազմակերպությունների ղեկավարներ և հասարակական ակտիվիստներ Ադրբեջանից՝ բողոքի ակցիաներով ու կարգախոսներով:

Հաղորդվում է, որ Փալոնն առավոտյան լքել է հյուրանոցը և ժամանել անմիջապես օդանավակայան՝ օդ բարձրանալով Բաքվից հատուկ չարթերային չվերթով։