Գյումրիում կկայանան նախնական ընտրություններ. վարչապետն ասաց՝ երբ եվ ինչ կարգով
Բոլոր մասնագետներն ասում են, որ Գյումրու կառավարման ճգնաժամը հնարավոր չի լինելու հաղթահարել առանց վարչապետի միջամտության:
Քննարկելով ՔՊ վարչության հետ, եկել եմ եզրակացության, որ այդտեղ միանձնյա որոշմամբ չէ, որ պետք է նշանակում իրականացնեմ, և այդ նպատակով առաջիկայում Գյումրիում տեղի կունենան նախնական քվեարկություններ, կամ նախնական ընտրություն: Որն է դրա իմաստը:
Մենք կխնդրենք ՔՊ անդամների, համակիրների, համախոհների շրջանակից առաջադրվեն կամ ինքնառաջադրվեն թեկնածուներ, նրանց որոշակի չափանիշներով կգրանցենք, ոմանց գրանցումը հնարավոր է մերժենք, այստեղ զուտ քաղաքական հայեցողության չափանիշ է գործելու, որից հետո մենք Գյումրու բնակիչների շրջանում, իհարկե, ոչ բոլորի, որոշակի սկզբունքով, ինչ-որ առումով նաև պատահականության սկզբունքով կիրականացնենք քվերակություն և դրանց արդյունքներով հաղթած թեկնածուին կնշանակենք Գյումրու քաղաքապետի պաշտոնակատար, որը մեծ հավանականությամբ կլինի նաև մեր թեկնածուն Գյումրիի քաղաքապետի կամ ավագանու առաջիկա ընտրություններում:
Նախնական ընտրությունները տեղի կունենան դեկտեմբերի 8-ին, 9-ին, 10-ին»,- ասաց վարչապետը:
Հետագա քայլերի մասին լրացուցիչ տեղեկատվություն կտրվի:
