Գաբրիել Ջեմբերջին չի կալանավորվել․ դատարանը մերժել է միջնորդությունը
Շաբաթ օրը Հակակոռուպցիոն կոմիտեն բերման էր ենթարկել, ապա ձերբակալել սփյուռքահայ գործարար, Սերժ Սարգսյանի եղբոր՝ Լևոն Սարգսյանի վաղեմի ընկեր Գաբրիել Ջեմբերջիին (Ջեմբերջյան)։
Հակակոռուպցիոնի քննիչները նրան մեղադրում են փողերի լվացման մեջ, և կալանքի միջնորդություն էին ներկայացրել դատարան։
MediaHub-ի տեղեկություններով՝ դատարանը, սակայն, չի բավարարել միջնորդությունը, և Ջեմբերջյանին ազատ են արձակել։
Հակակոռուպցիոն կոմիտեից սակայն դեռ չեն մեկնաբանել այս տեղեկությունը։
Հիշեցնենք, որ Ջեմբերջին բոլորովին վերջերս մասնակցում էր Աննա Հակոբյանի կազմակերպած «Հաջողակ տղամարդկանց» հավաքին։
