Աֆրիկյան երկու երկիր ՄԱԿ-ի Անվտանգության խորհրդի մշտական անդամ կդառնա․ Գուտերեշ
ՄԱԿ-ի գլխավոր քարտուղար Անտոնիո Գուտերեշը հայտարարել է, որ աֆրիկյան երկու երկիր շուտով կներկայացվի որպես Անվտանգության խորհրդի մշտական անդամ։
«Աֆրիկյան պետությունների Անվտանգության խորհուրդ մտնելու ամենալուրջ խոչընդոտները հաղթահարված են, ձեռք է բերվել կոնսենսուս», — ընդգծել է Գուտերեշը մայրցամաքի հարավ կատարած շրջագայության ժամանակ, հաղորդում է «Российская газета»-ն:
Նա խոստացել է, որ Անվտանգության խորհրդի ընդլայնումը կավարտվի մինչև իր մանդատի ավարտը՝ 2026թ.-ը։
Թե որ երկրները կդառնան մշտական անդամներ, կորոշի Աֆրիկյան միությունը, որտեղ ներկայացված է այս աշխարհամասի 55 պետություն։
