Դավիթ Առուշանյանը նշանակվել է Շիրակի մարզպետ (տեսանյութ)
Կառավարության նիստում որոշում ընդունվեց ՀՀ ԱԺ «Քաղաքացիական պայմանագիր» խմբակցության նախկին պատգամավոր Դավիթ Առուշանյանին նշանակել Շիրակի մարզպետի պաշտոնում։
Վարչապետը իր խոսքում ասաց․ «Պարոն Առուշանյան, շնորհավորում ենք, հաջողություններ ենք մաղթում»։
Առուշանյանն էլ նշեց․ «Շնորհակալություն եմ հայտնում վստահության համար։ Ինձ համար մեծ պատասխանատվություն ու պատիվ է հայրենի մարզի կառավարումը ստանձնել, և վստահ եմ՝ մեր բոլորի ջանքերով հաջողելու ենք»։
Կառավարության ղեկավարն էլ նկատեց. «Գյումրիում տեղի ունեցած իրադարձությունները, որոնք ճգնաժամային էին և ցավալի, սակայն կարևոր է, որ ժողովրդավարական առումով ևս մեկ կարևոր ինստիտուտ է ներդրվել»։
Առավել մանրամասն՝ տեսանյութում:
