Crocus City Hall-ի ահաբեկչության գործով Թուրքիայում մի շարք անձանց մեղադրանք է առաջադրվել

Թուրքիան մեղադրանք է առաջադրել Crocus City Hall համերգասրահում ահաբեկչություն կատարելու մեջ կասկածվողներին։

Ամբաստանյալներից մեկը՝ Տաջիկստանի քաղաքացի Ֆաիզովը, մուտք է գործել Թուրքիա կնոջ և երեխայի հետ։

Մեղադրական եզրակացության մեջ նշվում է նաև, որ Էսենլերն ավտոկայանից դուրս եկող ավտոբուսային երթուղիներում ստուգումների ժամանակ Ֆաիզովին և նրա ընտանիքի անդամներին նկատել են ավտոբուսից իջնելիս և ճամփեզրին սպասելիս, այնուհետև նրանց ձերբակալել են։

Մերձմոսկովյան Կրասնոգորսկի Crocus City Hall համերգասրահում 2024-ի մարտի 22-ին ահաբեկչություն էր տեղի ունեցել. հարձակվողները ավտոմատ զենքերից կրակ էին բացել շենքում գտնվող մարդկանց վրա և այրել դահլիճը։ Վերջին տվյալներով՝ զոհվել է 145 մարդ։ Գործի շրջանակում կան տասնյակից ավել կալանավորված անձինք: