Հայաստանում ԵՄ-ին միանալու օրինագծի քննարկումը դիտարկում ենք որպես ԵԱՏՄ-ից դուրս գալու սկիզբ. Օվերչուկ
Ռուսաստանը Հայաստանում ԵՄ-ին միանալու օրինագծի քննարկումը դիտարկում է որպես ԵԱՏՄ-ից հանրապետության դուրս գալու սկիզբ:
Այս մասին լրագրողներին հայտնել է ՌԴ փոխվարչապետ Ալեքսեյ Օվերչուկը։
«Եվրամիությանն անդամակցելու գործընթաց սկսելու մասին» օրինագծի քննարկման սկիզբը Հայաստանում համարում ենք ԵԱՏՄ-ից Հայաստանի դուրս գալու սկիզբ:
Միևնույն ժամանակ, սա Հայաստանի Հանրապետության ինքնիշխան ընտրությունն է, ինչի իրավունքը, անկասկած, ունի»,- ասել է Օվերչուկը։
ՌԴ կառավարության փոխնախագահն ավելի վաղ հայտարարել էր, որ Հայաստանի անդամակցությունը ԵՄ-ին անհամատեղելի է ԵԱՏՄ-ին հանրապետության անդամակցության հետ։
Հիշեցնենք՝ ՀՀ Կառավարությունը հունվարի 9-ի նիստում դրական եզրակացություն է տվել քաղաքացիական նախաձեռնությամբ ներկայացված «ԵՄ-ին ՀՀ անդամակցելու գործընթացի մեկնարկի մասին» օրինագծին:
