Բայդենը Հռոմի Պապ Ֆրանցիսկոսին պարգեվատրել է ԱՄՆ քաղաքացիական բարձրագույն պարգեվով
ԱՄՆ նախագահ Ջո Բայդենը Հռոմի Պապ Ֆրանցիսկոսին պարգևատրել է Ազատության նախագահական շքանշանով. սա ԱՄՆ բարձրագույն քաղաքացիական պարգևն է։ Այս մասին տեղեկացնում է Սպիտակ տան կայքը։
«Սա առաջին դեպքն է, երբ նախագահ Բայդենը պարգևատրում է Նախագահական Ազատության մեդալով»,- ասվում է հայտարարության մեջ։
Հունվարին Բայդենը պետք է այցելեր Վատիկան՝ հանդիպելու Հռոմի պապի հետ։ Այցը պետք է կենտրոնանա խաղաղության հասնելու ջանքերի վրա։ The New York Times-ը գրել է, որ ամերիկյան ներկայիս առաջնորդը նույնպես «մխիթարություն» է փնտրում հրաժարականից առաջ։
Բայդենի այցն Իտալիա չեղյալ է հայտարարվել Կալիֆորնիայում զանգվածային անտառային հրդեհների պատճառով։
Հունվարի 7-ից Լոս Անջելեսի օկրուգում հրդեհներ են մոլեգնում։ Վերջին տվյալներով զոհերի թիվը հասնում է 16-ի, թեև զոհերի իրական թիվը մնում է անհայտ, քանի դեռ փրկարարները չեն կարողացել ամբողջությամբ հանգցնել կրակւ, զգուշացրել են տեղական իշխանությունները:
