ԱՄՆ Պետդեպարտամենտի տասնյակ աշխատակիցներ հեռացել են աշխատանքից

ԱՄՆ պետքարտուղարության տասնյակ աշխատակիցներ հունվարի 20-ին հրաժարական են տվել՝ ԱՄՆ նորընտիր նախագահ Դոնալդ Թրամփի օգնականների խնդրանքով։ Այս մասին հայտնում է Washington Post-ը։

Նշվում է, որ պաշտոնանկությունները նպատակ ունեն ցույց տալու «վճռական ընդմիջում» Թրամփի թիմի և ԱՄՆ հեռացող նախագահ Ջո Բայդենի վարչակազմի միջև։

Ըստ WP-ի՝ դիվանագիտական ​​ծառայության նշանավոր վետերանները հրաժարական են տվել, այդ թվում՝ էներգետիկ ռեսուրսների գծով ԱՄՆ պետքարտուղարի օգնական Ջեֆրի Պյատը, ով 2024 թվականին զբաղեցրել է Ուկրաինայում ԱՄՆ դեսպանի պաշտոնը, ինչպես նաև քաղաքական հարցերով պետքարտուղարի պաշտոնակատար Ջոն Բասը։

Ազատված դիվանագետներին մոտ կանգնած աղբյուրը թերթին հայտնել է, որ Թրամփի թիմը հարցին մոտեցել է պրոֆեսիոնալ կերպով և հասկացրել է, որ հրաժարականի պահանջը թելադրված չէ նոր նախագահի անձնական դրդապատճառներով։

Հունվարի 20-ին՝ տեղական ժամանակով ժամը 12:00-ին (Երևանի ժամանակով՝ 21:00-ին) մեկնարկելու է Դոնալդ Թրամփի՝ Միացյալ Նահանգների նախագահի պաշտոնի համար երդմնակալության արարողությունը։