Ալիեվը զանգահարել է Էրդողանին
Հունվարի 23-ին Ադրբեջանի նախագահ Իլհամ Ալիևը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։
Նա մաղթել է հանգստություն այս սարսափելի ողբերգության հետևանքով զոհվածների հոգիներին, իսկ վիրավորներին՝ շուտափույթ ապաքինում։
Ալիևը նաև նշել է, որ հունվարի 21-ին ցավակցական հեռագիր է հղել Թուրքիայի Հանրապետության նախագահին ողբերգության կապակցությամբ։
Թուրքիայի նախագահը շնորհակալություն է հայտնել ուշադրության և ցավակցությունների համար՝ նշելով, որ Թուրքիան և Ադրբեջանը միշտ մոտ են եղել միմյանց և ապագայում էլ կլինեն այդպիսին։
Հեռախոսազրույցի ընթացքում պետությունների ղեկավարները մտքեր են փոխանակել երկկողմ հարաբերությունների տարբեր ոլորտների շուրջ։
Հիշեցնենք՝ «Գրանդ Քարթալ» հյուրանոցում հրդեհը տեղի էր ունեցել հունվարի 21-ի գիշերը։ Այն բռնկվել էր հյուրանոցի չորրորդ հարկի ռեստորանում և արագ տարածվել շենքով փայտե երեսպատման պատճառով։
Վերջին տվյալներով՝ Քարթալկայա հանգստավայրում բռնկված հրդեհի հետևանքով զոհվել է 76 մարդ, տուժել՝ 51 հոգի։ Մեկ զբոսաշրջիկի վիճակը գնահատվում է ծանր։ Թուրքիայի նախագահ Ռեջեփ Թայիփ Էրդողանը համազգային սուգ է հայտարարել:
