Վերարտադրողական առողջության պետական ծրագրերից օգտվելով` արդեն իսկ մի խումբ շահառուներ երեխեներ են ունեցել: Շահառուների ցանկի ընդլայնման ուղղությամբ աշխատանքները շարունակվում են:

Այդուհանդերձ, պակաս կարևոր չեն կանխարգելիչ բուժօգնությունն ու անպտղության ցուցանիշների նվազեցումը:

Վերարտադրողական բժշկության հայկական ասոցիացիայի 19-րդ գիտաժողովը նվիրված է եղել վերարտադրողական բժշկության և անդրոլոգիայի ուղեցույցների ստանդարտացմանը և արդիական այլ հարցերին:

Առողջապահության նախարարի տեղակալ Արտակ Ջումայանը բացման խոսքում նշել է, որ մայրական առողջությունը ոլորտի առաջնահերթություններից է:

Նրա խոսքով` նպատակն է արտամարմնային բեղմնավորման ծրագրերին զուգահեռ դեռահասային տարիքից բարձրացնել վերարտադրողական առողջության վերաբերյալ տարրական գիտելիքները:

Քննարկվում է նաև սքրինինգային կանխարգելիչ միջոցառումներ ավելացնելու հնարավորությունը: