Ուզում են համոզել՝ նոր ավտոբուսներով հնարավոր է մարդկանց 65 դր․ տեղափոխել, մանիպուլյացիան չափ ունի՞․ Ավինյան
Երևանի քաղաքապետ Տիգրան Ավինյանը գործակարգավարական խորհրդակցության ժամանակ նշել է, թե վերջերս սկսել են հայտարարել՝ տրանսպորտի ինքնարժեքը 65 դրամ է՝ մեկ ուղևորափոխադրման համար։
Նրա խոսքով՝ քաղաքապետարանի միակ խնդիրն այն է, որ արված աշխատանքն ավելի լավ ներկայացնեն, և այս պարզ ճշմարտությունները մարդկանց հասանելի դարձնեն․ «Որովհետև երբ մենք չենք խոսում, խոսում են մանիպուլյացիայի լեզվով, ու մարդիկ դա են լսում։
1990-ականների վերջից ուղևորափոխադրումը 100 դրամ է եղել։ Հիմա ուզում են համոզել, որ նոր 12 մետրանոց գերմանական ավտոբուսներով և 8.5 մետրանոց մեր նոր պարկով հնարավոր է մարդկանց 65 դրամով տեղափոխել, իբր դա է ինքնարժեքը։ Ասում եմ՝ կարող էին հայտարարել 6 դրամ, 7 դրամ, ձրի»։
Ավինյանը նկատեց․ «Մանիպուլյացիան չափ ունի՞, սահման ունի՞։ Ինչ-որ մի կետում ավարտվելո՞ւ է մարդկանց մասսայաբար խաբելու պրակտիկան»։
