ՄԱԿ-ում Իրանի դեսպանը խոսել է միջուկային գործարքի մասին
ԱՄՆ-ի և եվրոպական երկրների (Մեծ Բրիտանիա և Ֆրանսիա) ցանկացած փորձ՝ Իրանին անարդար համաձայնություն պարտադրելու JCPOA-ի (Գործողությունների համատեղ համապարփակ պլան կամ միջուկային համաձայնագիր-խմբ․) շրջանակներում, դատապարտված է ձախողման։
Այս մասին ասել է ՄԱԿ-ում Իրանի մշտական ներկայացուցիչ Ամիր Սաիդ Իրվանին։
«Իրանը ճնշման տակ չի բանակցի։ Իրանը չի հանձնվի սպառնալիքներին։ Իրանը չի ընդունի որևէ տեսակի թելադրանք։ Իրանին անարդար միջուկային գործարք պարտադրելու ցանկացած փորձ դատապարտված է ձախողման։ Դիվանագիտությունը պետք է հիմնված լինի փոխադարձ հարգանքի, այլ ոչ թե շանտաժի վրա», — հայտնում է Fars գործակալությունը մշտական ներկայացուցչի խոսքերը։
Ավելի վաղ Իրանի ԱԳ նախարար Աբբաս Արաղչին ասել է, որ ՄԱԿ-ի Անվտանգության խորհրդի կամ Ատոմային էներգիայի միջազգային գործակալության (ՄԱԳԱՏԷ) ցանկացած որոշում՝ ճնշում գործադրելու Իրանի վրա, կասկածի տակ կդնի Եվրոպայի հետ բանակցությունների թույլատրելիությունը՝ JCPOA-ով իր պարտավորությունները չկատարելու պատճառով:
