Այսօր Թրամփ-Զելենսկի հեռախոսազրույց է կայանալու
Ուկրաինայի նախագահ Վլադիմիր Զելենսկին այսօր՝ մարտի 19-ին, կզրուցի ԱՄՆ նախագահ Դոնալդ Թրամփի հետ։ Նախօրեին Թրամփը զրուցել էր ՌԴ նախագահ Վլադիմիր Պուտինի հետ, հայտնում է РБК-Украина-ն։
«Այսօր ես խոսեմ նախագահ Թրամփի հետ։ Մենք կքննարկենք մանրամասները, կարծում եմ՝ հաջորդ քայլերի մանրամասները։
Մենք իսկապես լավ հանդիպում ունեցանք մեր թիմերի միջև», — ասել է նա։
Զելենսկու խոսքով՝ ինքը և Թրամփը կքննարկեն պատերազմի կարգավորման հետագա քայլերի մանրամասները։ Պետության ղեկավարը հավելել է, որ ակնկալում է Թրամփից լսել Պուտինի հետ իր զրույցի մանրամասները։
«Ես լսել եմ որոշ մանրամասներ (Թրամփի և Պուտինի բանակցությունների մասին — խմբ.): Մեր թիմերը խոսել են երեկոյան և գիշերը, բայց ես կցանկանայի մանրամասների մասին խոսել, երբ ես ուղիղ երկխոսություն ունենամ Թրամփի հետ»,- ասել է Զելենսկին:
