ՏԿԵ նախարարն ու Իտալիայի դեսպանն այցելել են շոգեգազային ցիկլով աշխատող «Արմփաուեր» ընկերություն
Ապրիլի 4-ին ՀՀ Տարածքային կառավարման և ենթակառուցվածքների նախարար Դավիթ Խուդաթյանը Հայաստանում Իտալիայի արտակարգ և լիազոր դեսպան Ալեսանդրո Ֆերրանտիի հետ այցելել է «Ռենկո» ընկերությունների խմբի շոգեգազային ցիկլով աշխատող «Արմփաուեր» ընկերություն։
Այս մասին նախարարը հայտնում է սոցցանցի իր էջում:
Նախ կայանում տեղի է ունեցել խորհրդակցություն, որի ժամանակ ներկայացվել է կայանի գործունեությունը, հզորությունները, մինչ օրս գրանցած արդյունքները։
Այնուհետև շրջայց է իրականացվել կայանի տարածքում, ծանոթացել են կայանի աշխատանքին։
