Ադրբեջանի միջնորդությամբ Իսրայելի և Թուրքիայի միջև Բաքվում բանակցություններ կընթանան
Մայիսի 9-ին Բաքվում ադրբեջանական կողմի միջնորդությամբ Իսրայելի և Թուրքիայի ներկայացուցիչների միջև կկայանան բանակցություններ:
Այս մասին հայտնում են իսրայելական և ադրբեջանական լրատվամիջոցները։
Նշենք, որ որոշ ժամանակ առաջ նախատեսվում էր Իսրայելի վարչապետ Բենիամին Նեթանյահուի այցը Ադրբեջան, սակայն այն հետաձգվել է տարածաշրջանում, մասնավորապես՝ Գազայի հատվածում, ռազմական գործողությունների սրման հետևանքով անվտանգության վատթարացման պատճառով։
Ապրիլի 9-ին Ադրբեջանում տեղի էր ունեցել Թուրքիայի և Իսրայելի միջև ևս մեկ հանդիպում։
