Հայտնի է՝ Ստամբուլում երբ կմեկնարկեն ռուս-ուկրաինական բանակցությունները
Ռուսաստանի և Ուկրաինայի միջև բանակցությունները կմեկնարկեն մայիսի 16-ին:
Ավելի վաղ բանակցություններին մասնակցող ռուսական պատվիրակության ղեկավար, Ռուսաստանի նախագահի օգնական Վլադիմիր Մեդինսկին հայտարարել էր, որ Ռուսաստանի նախագահ Վլադիմիր Պուտինը Ստամբուլում հատուկ ռազմական գործողության բոլոր հրամանատարների հետ հանդիպումից հետո սահմանել է խնդիրները և սահմանել բանակցային դիրքորոշումը։
Մեդինսկու խոսքով՝ ռուսական պատվիրակությունն ունի բոլոր անհրաժեշտ իրավասություններն ու լիազորությունները բանակցություններ վարելու համար և հանձնառու է կառուցողական մոտեցմանը, հնարավոր լուծումների և շփման կետերի որոնմանը։
Ուկրաինայի նախագահ Վլադմիր Զելենսկին, սակայն, հայտարարել է, որ Ռուսաստանը պատրաստ չէ լուրջ բանակցությունների:
«Ռուսական պատվիրակության մակարդակը տեսնելով՝ մենք հասկացանք, որ նրանք պատրաստ չէին լուրջ բանակցություններ»,- ասել է նա:
Ավելի վաղ հայտնել էինք, որ Ուկրաինայի նախագահ Վլադիմիր Զելենսկու ինքնաթիռը կեսօրին վայրէջք էր կատարել Անկարայի մերձակայքում գտնվող Էսենբոգա միջազգային օդանավակայանում:
Անկարայի օդանավակայանում Զելենսկին ասել է, որ ուկրաինական պատվիրակությունը ներկայացված է «ամենաբարձր մակարդակով»՝ արտաքին գործերի նախարարությունը, պաշտպանության նախարարությունը, զինվորականները և հետախուզական բոլոր գերատեսչություններից ներկայացուցիչներ։
Մայիսի 14-ին հայտնի է դարձել, որ ռուսական պատվիրակությունը կգլխավորի նախագահի օգնական Վլադիմիր Մեդինսկին։ Նրանք ևս Ստամբուլում են:
