Ուկրաինան պատրաստ է Ադրբեջանի համար էներգետիկ հանգույց դառնալ Եվրոպայում. Սիբիգա
Ուկրաինան պատրաստ է Ադրբեջանի համար առանցքային էներգետիկ հանգույց դառնալ Եվրոպայում:
Նա նշել է, որ Ադրբեջանը չափազանց կարևոր գործընկեր է Ուկրաինայի կայուն զարգացման ամրապնդման համար, առաջին հերթին՝ էներգետիկ ոլորտում, ինչպես նաև արդար և կայուն խաղաղության հասնելու համար:
Սիբիգայի խոսքով՝ «Ադրբեջանը նաև ռազմավարական գործընկեր է», և ճիշտ ժամանակն է այդ գործընկերությանը նոր թափ հաղորդելու համար:
Նա շնորհակալություն է հայտնել Իլհամ Ալիևին՝ Ուկրաինայի տարածքային ամբողջականությանն ու ինքնիշխանությանը աջակցելու, ինչպես նաև ցուցաբերած մարդասիրական և էներգետիկ օգնության համար:
Սիբիգայի խոսքով՝ ինչպես ԵՄ-ն, այնպես էլ Կիևն Ադրբեջանին դիտարկում են որպես Եվրոպայի էներգետիկ անվտանգության համար առանցքային երկիր, և պատրաստ են գազի տարանցման հնարավորությունների և գազային պահեստարանների շնորհիվ ներդրումների:
Հիշեցնենք՝ նախորդ շաբաթ Սիբիգան այցելել էր Ադրբեջան, նրան ընդունել էին Ադրբեջանի նախագահ Իլհամ Ալիևը և արտգործնախարար Ջեյհուն Բայրամովը:
