Ձրի հասկացության հետ մեր վերաբերմունքը պետք է ճշգրտենք. այս աթոռի վրա մի ժամ նստելը կոնկրետ գին ունի. վարչապետ (տեսանյութ)
Հայաստանում պետական մարմիններն ու կազմակերպությունները պետական գույքն օգտագործում են ոչ արդյունավետ ու մասնակի, կառավարությունն առաջարկում է նոր կարգավորում, ըստ որի՝ պետական մարմիններին անշարժ գույքը տրամադրվելու է վարձակալությամբ, իսկ վճարներն ուղղվելու են պետական բյուջե։
«Ընդհանրապես, ձրի հասկացությունների հետ կապված մենք մեր վերաբերմունքը պետք է ճշգրտենք, նախ՝ ոչ մի բան բացարձակապես անվճար չէ, կամ այն, ինչ անվճար է, նշանակում է, որ արժեք չունի։ Ցանկացած արդյունքի համար պետք է վճարել, իսկ թե ով է վճարում՝ դա ուրիշ խնդիր է»,- ասել է վարչապետը:
Նրա խոսքով՝ բարեփոխումը պետք է գնա, հանդիպի պրոբլեմին, որ հասկանան՝ ոնց են լուծում։
«Այն, որ մենք նստած ենք այս աթոռների վրա, գին ունի, այս աթոռի վրա մի ժամ նստելը կոնկրետ գին ունի, եթե չվճարվի, այդ աթոռը կկոտրվի, էլ չենք կարող նստել»,- ասել է վարչապետը:
Առավել մանրամասն՝ տեսանյութում:
