Իրանի և Իսրայելի միջև հրադադարը մտավ ուժի մեջ, ի՞նչ են մտածում «պատերազմից 5 է պակաս» ասողները. Թունյան
ԱԺ «Քաղաքացիական պայմանագիր» խմբակցության պատգամավոր Բաբկեն Թունյանը «Ֆեյսբուք»-ի իր էջում անդրադարձել է Մերձավոր Արևելքում տիրող իրավիճակին և Հայաստանի վրա դրա հետևանքներին:
«Իրանի և Իսրայելի միջև հրադադարը մտավ ուժի մեջ: Հրթիռակոծությունները դադարել են, երկրները բացում են իրենց օդային տարածքները:
Հետաքրքիր է՝ ինչ են մտածում մի քանի օր առաջ «պատերազմից հինգ է պակաս» ասող մեր ընդդիմադիր գործընկերները և աշխարհաքաղաքական դարակազմիկ վերլուծություններ ու ապոկալիպտիկ կանխատեսումներ անող փորձագետները:
Հուսանք, որ տարածաշրջանում կհաստատվի երկարաժամկետ խաղաղություն, և երկրները հակամարտելու փոխարեն կսկսեն համագործակցել միմյանց հետ:
Սա, ի դեպ, ռոմանտիկայի ժանրից չէ»,- գրել է նա:
