Զելենսկին Ալիևին աջակցություն է հայտնել Ռուսաստանի հետ լարված հարաբերությունների ֆոնին

Ուկրաինայի նախագահ Վոլոդիմիր Զելենսկին զանգահարել է Ադրբեջանի նախագահ Իլհամ Ալիևին, շնորհակալություն հայտնել նրան Ուկրաինայի տարածքային ամբողջականությանն աջակցելու համար։

Զելենսկին տեղեկացրել է նաև, որ ցավակցություն է հայտնել Ադրբեջանին Սաֆարով եղբայրների սպանության կապակցությամբ, հայտնել իր աջակցությունը։

Ուկրաինայի ղեկավարի խոսքով՝ «Ռուսաստանը ծաղրում է Ադրբեջանի քաղաքացիներին և սպառնում Ադրբեջանի Հանրապետությանը»:

Նա նաև նշել է, որ Ալիևի հետ քննարկել է երկկողմ հարաբերությունները, էներգետիկ և հումանիտար ոլորտներում համագործակցությունը։

Կողմերը պայմանավորվել են տնտեսական համագործակցության հարցերով միջկառավարական համատեղ հանձնաժողովի նիստ անցկացնել։