ԱԷՄԳ-ն հայտնել է Զապորոժիեի ԱԷԿ-ում կրակոցների մասին
Ատոմային էներգիայի միջազգային գործակալության խումբը հայտնել է, որ Զապորոժիեի ատոմակայանում (ԶԱԷԿ) կիրակի ուշ ժամի լսվել են հարյուրավոր կրակոցներ։
Այդ մասին հայտնել է գործակալության գլխավոր տնօրեն Ռաֆայել Գրոսին։ Կրակոցները բազմիցս արձակվել են մեկ ժամվա ընթացքում:
Գրոսին նշել է, որ ռազմական գործողությունը ատոմակայանի տարածքում կամ դրա մոտակայքում «ակնհայտորեն անընդունելի է»։
Ուկրաինան կամ Ռուսաստանը չեն մեկնաբանել Ատոմային էներգիայի միջազգային գործակալության զեկույցը։
ԱԷՄԳ-ի կայքէջի համաձայն՝ Գրոսին նաև «կրկին արտահայտել է իր խոր մտահոգությունը տարեսկզբից ի վեր ատոմակայանների մոտ անօդաչու թռչող սարքերի օգտագործման ակնհայտ աճի վերաբերյալ»։
