Վաճառքից շուրջ 20 տարի անց Երևանը զրկված է մշտապես գործող կրկես ունենալու հնարավորությունից․ Առնակ Ավետիսյան
ՀՀ ՏԿԵՆ պետական գույքի կառավարման կոմիտեի նախագահ Առնակ Ավետիսյանը ֆեյսբուքյան էջում հետևյալ գրառումն է արել․
«2005թ․-ին Երևանի կրկեսը վաճառվեց «Տաշիր» ընկերությունների խմբին պատկանող կազմակերպությանը։
Այդ ժամանակից ի վեր խումբը Ռուսաստանում և Հայաստանում իրականացրել է միլիարդավոր դոլարների ներդրումային նախագծեր՝ կառուցելով տասնյակ առևտրի կենտրոններ, բնակելի թաղամասեր, հյուրանոցներ և էներգետիկ օբյեկտներ։
Ըստ տարբեր աղբյուրների՝ «Տաշիր»-ը շուրջ 2.5 միլիոն քմ կառուցապատման ծավալով մտնում է Ռուսաստանի խոշորագույն կառուցապատողների եռյակի մեջ։
Այս ամենին զուգահեռ՝ Երևանի կրկեսը մինչ օրս մնում է չվերաբացված։ Շինարարության ավարտի և կրկեսի վերագործարկման ժամկետները բազմիցս հետաձգվել են։
Արդյունքում՝ վաճառքից շուրջ 20 տարի անց Երևանը զրկված է մշտապես գործող կրկես ունենալու հնարավորությունից։
Ահա այն ամենը, ինչ պետք է իմանալ վերոնշյալ ընկերությունների խմբի և դրա «մեծն բարերար» սեփականատիրոջ սոցիալական պատասխանատվության իրական մակարդակի մասին»։
