Թրամփը հայտնել է Ուիթքոֆի` Ռուսաստան կատարելիք այցի մասին
ԱՄՆ նախագահի հատուկ դեսպանորդ Սթիվեն Ուիթքոֆը կայցելի Ռուսաստան: Այդ մասին Սպիտակ տանը հայտարարել է ԱՄՆ նախագահ Դոնալդ Թրամփը:
Ավելի վաղ ԱՄՆ կառավարությունը հայտնել էր, որ Ուիթքոֆը օգոստոսի 1-ին կայցելի Իսրայել և Գազայի հատված:
Թրամփը չի նշել իր դեսպանի` Ռուսաստանում գտնվելու ժամկետները, նաև չի ներկայացրել նրա այցի մանրամասները:
Մոսկվա կատարած նախորդ այցերի ժամանակ Ուիթքոֆը հանդիպել է Ռուսաստանի նախագահ Վլադիմիր Պուտինի հետ:
Սպիտակ տան ղեկավարն անդրադարձել է Ռուսաստանի կողմից Ուկրաինայի վրա նոր հարձակումներին`դրանք անվանելով «զզվելի»:
Նա հայտարարել է Մոսկվայի դեմ ավելի սահմանափակող միջոցառումների հնարավորության մասին, միաժամանակ կասկածել դրանց արդյունավետության առումով:
«Մենք պատժամիջոցներ կկիրառենք, բայց չգիտեմ` Պուտինին դրանք անհանգստացնում եմ, թե՝ ոչ», — AFP-ն մեջբերել է Թրամփի խոսքերը:
