Ադրբեջանը հումանիտար օգնության հերթական խմբաքանակն է ուղարկել Ուկրաինային

Ադրբեջանը հումանիտար օգնության հերթական խմբաքանակն է ուղարկել Ուկրաինային։ Ավելի վաղ Ադրբեջանի նախագահը կարգադրություն էր ստորագրել Կիևին աջակցելու համար 2 մլն դոլար հատկացնելու մասին:

Նոր խմբաքանակում ներառվել են Ադրբեջանում արտադրված էլեկտրական սարքավորումներ։

Բաքվում Ուկրաինայի դեսպան Յուրի Գուսևը շնորհակալություն է հայտնել Ադրբեջանին օգնության համար:

Նրա խոսքով՝ Ուկրաինան այդ օգնությունը կօգտագործի երկրի ամբողջ էլեկտրահամակարգը վերականգնելու համար:

Ադրբեջանի ուղարկած մարդասիրական բեռը ներառում է շուրջ 90 հազար մետր էլեկտրական մալուխներ և լարեր, ինչպես նաև 25 գեներատոր և տրանսֆորմատորների 7 հավաքածու:

Ուկրաինայում պատերազմի սկսվելուց ի վեր Բաքուն Կիևին 44 մլն դոլարի մարդասիրական աջակցություն է տրամադրել։