Հակակոռուպցիոն վերաքննիչ դատարանի շինարարական աշխատանքներն ավարտվում են. Գրիգոր Մինասյանն ու Արմեն Ղուլարյանը շրջայց են կատարել դատարանի տարածքում
Արդարադատության նախարար Գրիգոր Մինասյանն ու Քաղաքաշինության կոմիտեի ղեկավար Արմեն Ղուլարյանը ծանոթացել են Հակակոռուպցիոն վերաքննիչ դատարանի շինարարական աշխատանքներին, որոնք շուտով կավարտվեն: Այդ մասին ասված է արդարադատության նախարարության Ֆեյսբուքի էջում։«Նախարար Գրիգոր Մինասյանն ընդգծել է, որ դատական համակարգի բարեփոխումները Կառավարության առաջնահերթություններից են և այս շենքի նորոգումը նպատակ ունի դատավորների համար ստեղծել բարենպաստ աշխատանքային պայմաններ:
Հակակոռուպցիոն վերաքննիչ դատարանը գործելու է Աջափնյակ համայնքի Արա Սարգսյան 5/1 հասցեում: Նոր դատարանը կունենա ժամանակակից ստանդարտներին համապատասխան 4 դահլիճ, որոնք կահավորված կլինեն անհրաժեշտ գույքով և տեխնիկայով: Միջազգային ստանդարտներին համապատասխան շենքում կտեղակայվի նոր դատարանը՝ 12 դատավորների թվակազմով:
Ակնկալվում է, որ Հակակոռուպցիոն վերաքննիչ դատարանի շենքը շահագործման կհանձնվի տարեվերջին»,- նշված է գրառման մեջ:
