Վարչապետ Նիկոլ Փաշինյանն աշխատանքային այցով ժամանել է Եգիպտոսի Արաբական Հանրապետություն
Վարչապետ Նիկոլ Փաշինյանն աշխատանքային այցով ժամանել է Եգիպտոսի Արաբական Հանրապետություն։
ՀՀ կառավարությունից հայտնում են, որ Շարմ Էլ Շեյխի միջազգային օդանավակայանում ՀՀ վարչապետին դիմավորել է Եգիպտոսի Արաբական Հանրապետության քաղաքացիական ավիացիայի նախարար, դոկտոր Սամեհ Էլ-Հեֆնին:
Հայաստանի Հանրապետության վարչապետը Ամերիկայի Միացյալ Նահանգների նախագահ Դոնալդ Թրամփի և Եգիպտոսի նախագահ Աբդել Ֆաթթահ աս-Սիսիի հրավերով այսօր կմասնակցի Մերձավոր Արևելքի Խաղաղության գագաթնաժողովին։
Ավելի վաղ հայտնել էինք, որ Մերձավոր Արևելքի Խաղաղության գագաթնաժողովին մասնակցելու նպատակով ՀՀ վարչապետ Նիկոլ Փաշինյանը մեկնել է Շարմ Էլ Շեյխ: Նա տեսանյութ էր հրապարակել՝ տեղեկացնելով, որ հասել է:
