Արսեն Թորոսյանն այցելել է Լոռու մարզում գործող աջակցության և խնամքի հաստատություններ
Աշխատանքի և սոցիալական հարցերի նախարար Արսեն Թորոսյանն այցելել է Լոռու մարզի երեխայի և ընտանիքի աջակցության կենտրոն, Վանաձորի տարեցների տուն և Սպիտակի փոքր համայնքային տուն։
Ինչպես հայտնել են նախարարությունից, շրջայցի ընթացքում նախարարը ծանոթացել է հաստատությունների շենքային պայմաններին, մատուցվող ծառայությունների շրջանակին և իրականացվող աշխատանքներին։
Կենտրոնների ղեկավարների հետ զրույցում նախարար Թորոսյանը կարևորել է հարմարավետ ու մատչելի միջավայրի ստեղծումը, խնամվողների կարիքներին համապատասխան ծառայությունների մատուցումը, ինչպես նաև աշխատանքային պայմանների և առկա ռեսուրսների շարունակական բարելավումը։
Քննարկվել են նաև երեխաների իրավունքների պաշտպանության, տարեցների և հաշմանդամություն ունեցող անձանց ոլորտներում իրականացվող բարեփոխումներից բխող ծրագրերը․ այս համատեքստում ընդգծվել են երեխայի ընտանիքում ապրելու իրավունքի իրացման, արժանապատիվ ծերության ու հավասար հնարավորությունների ապահովմանն ուղղված աշխատանքները։
