Թբիլիսիում հանդիպել են Վրաստանի վարչապետ Իրակլի Կոբախիձեն և ՀՀ արդարադատության նախարար Սրբուհի Գալյանը
Վրաստանի վարչապետ Իրակլի Կոբախիձեն հանդիպել է վրաց-հայաստանյան իրավական ֆորումի շրջանակներում Թբիլիսիում գտնվող ՀՀ արդարադատության նախարար Սրբուհի Գալյանի հետ։
Ինչպես հայտնել են վրացական լրատվամիջոցները, Վրաստանի կառավարության մամուլի ծառայության հաղորդմամբ՝ հանդիպմանը քննարկվել են Հայաստանի և Վրաստանի միջև ռազմավարական գործընկերության և բարիդրացիական հարաբերությունների հարցերը։
«Քննարկվել է Վրաստանի և Հայաստանի միջև տարբեր երկկողմ և միջազգային ձևաչափերով համագործակցությունը։
Հատուկ ուշադրություն է դարձվել արդարադատության ոլորտում արդյունավետ գործընկերությանը և այս ոլորտում երկրների միջև փորձի փոխանակման կարևորությանը։
Ընդգծվել է Հարավային Կովկասում կայուն խաղաղության հաստատման, ինչպես նաև տարածաշրջանի երկարաժամկետ և կայուն զարգացման կարևորությունը»,- ասվում է Վրաստանի կառավարության հաղորդագրության մեջ։
