Պակիստանի և Աֆղանստանի սահմանին կրկին բախումներ են
Պակիստանի և Աֆղանստանի սահմանին կրկին բախումներ են։ Հաղորդվում է, որ աֆղանական և պակիստանյան ուժերը փոխադարձ կրակոցներ են արձակել։Զոհերի մասին պաշտոնական տեղեկություններ չկան:
Էսկալացիայի և արդեն 2 ամիս գործող հրադադարը խախտելու համար կողմերն իրար են մեղադրում:
Երկրների միջև հարաբերությունները վատթարացել են հոկտեմբերի 9-ին՝ Քաբուլին Պակիստանի ավիահարվածներից հետո:
Իսլամաբադը հայտարարել է, որ թիրախում են եղել «Թալիբան» շարժման առաջնորդներ, ինչին հետևել են սահմանային բախումները:
Երկրները հոկտեմբերի 15-ին համաձայնության էին եկել ժամանակավոր հրադադարի մասին։
