Արգիշտի Մեխակյանը հյուրընկալել է ՀՀ «Լավագույն երիտասարդ մարզիկ» Գասպար Տերտերյանին և մարզչին
Վաղարշապատ համայնքի ղեկավար Արգիշտի Մեխակյանը համայնքապետարանում հյուրընկալել է սպորտի ոլորտում ՀՀ «Լավագույն երիտասարդ մարզիկ» ճանաչված Գասպար Տերտերյանին և նրա մարզիչ՝ Սիմոն Կարապետյանին։
Ինչպես հայտնել են համայնքապետարանից, հանդիպումը անցել է ջերմ և կառուցողական մթնոլորտում։
Ընդգծվել են երիտասարդ մարզիկի գրանցած բարձր արդյունքները, նրա նպատակասլացությունն ու աշխատասիրությունը, ինչպես նաև մարզիչ Սիմոն Կարապետյանի կարևոր դերակատարումը հաջողությունների ճանապարհին։
«Վաղարշապատի համայնքապետարանը կարևորում է սպորտի զարգացումը և շարունակելու է աջակցել տաղանդավոր մարզիկներին՝ մաղթելով նոր հաղթանակներ և բարձր նվաճումներ՝ ի պատիվ հայկական սպորտի և համայնքի»,- ասվում է հաղորդագրության մեջ:
