«Զանգեզուրի միջանցքն» այլընտրանքային երթուղի եվ թողունակություն կապահովվի. Թուրքիայի տրանսպորտի նախարար

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտարարել է, որ «Զանգեզուրի միջանցքն» այլընտրանքային երթուղի և թողունակություն կապահովի, գրում է թուրքական Anadolu գործակալությունը:

«Մեր ներկայիս Բաքու-Թբիլիսի-Կարս երկաթուղային կապը որոշակի թողունակություն ունի։

Բաքու-Թբիլիսի-Կարս գիծը մի գիծ է, որը միաժամանակ Վրաստանի տարածքով Սև ծովի նավահանգիստների հետ կապ է ապահովում։ Բայց բեռները կարող են նաև ուղիղ գծով փոխադրվել:

Մենք ելնում ենք նրանից, որ պետք է այլընտրանք լինի՝ գիծ, որը սկսվում է Կարսից և հասնում Իգդիր-Դիլուջու, այնտեղից էլ՝ Նախիջևան։

Դա կազմում է 43 կիլոմետր Հայաստանով, 61 կիլոմետր՝ Իրանի տարածքով։

Այնուհետև գիծն անցնում է Ադրբեջանից դեպի Հեռավոր Արևելք Կասպից ծովով: Այս նախագծի վրա աշխատանքներն առաջիկա ամիսներին կմեկնարկեն։

Նախիջևանում գոյություն ունի երկաթուղային գիծ, ​​այն կվերանորոգվի։

Այս գիծը այլընտրանքային երթուղու ստեղծմամբ լրացուցիչ թողունակություն կապահովի»,-հայտարարել է Ուրալօղլուն։