Քննարկվում է ծանրաքաշ մեքենաների կշռման կայաններն ավելացնելու հարցը
2024 թվականի ընթացքում իրականացվել է 45 հազարից ավելի ծանրաքաշ և մեծ եզրաչափերով տրանսպորտային միջոցների կշռման գործընթաց, որից շուրջ 4000-ը գերազանցել են թույլատրելի բեռնվածությունը:
Ըստ նրա՝ այս ուղղությամբ աշխատանքներում տեսչական մարմինն ունի խնդիր:
«Վարորդները տարբեր շրջանցող ճանապարհներով, այսպես ասած՝ սարերով և ձորերով, փորձում են շրջանցել կշռման կայանը, սակայն պետական լիազոր մարմնի հետ համատեղ արդեն իսկ նախաձեռնել ենք կշեռքի տեղադիրքի փոփոխություն, որի արդյունքում վարորդներն էլ հնարավորություն չեն ունենալու շրջանցել կշռման հենակետը»,- մանրամասնել է Խաչատրյանը:
Քննարկվում է նաև կշռման կայաններ ավելացնելու հարց, բայց, 2 կշռման կայանից բացի, տեսչական մարմինն ունի շարժական կշեռքներ, որոնցով նույնպես իրականացվում է վերահսկողություն:
Ինչ վերաբերում է տուգանքի չափին, ապա խախտման դեպքում յուրաքանչյուր տոննայի համար նվազագույն աշխատավարձի 200-ապատիկի չափով տուգանք է սահմանվում:
Գարեգին Խաչատրյանը նաև տեղեկացրել է, որ վերահսկողական գործառույթների խստացման արդյունքում նախորդ տարիների համեմատությամբ խախտումները նվազել են:
