Կիեվն ու Լոնդոնը մեկդարյա գործընկերության պայմանագիր են ստորագրել

Մեծ Բրիտանիայի վարչապետ Քիր Սթարմերը կառավարության ղեկավարի պաշտոնում իր պաշտոնավարումից հետո առաջին անգամ ժամանել է Կիև։ Նա նախագահ Վոլոդիմիր Զելենսկու հետ ստորագրել է այն, ինչ Դաունինգ Սթրիթն անվանում է «100-ամյա գործընկերություն» Ուկրաինայի հետ, գրում է BBC-ն:

Փաստաթուղթը պաշտոնականացնում է այն օգնությունը, որն արդեն Լոնդոնը տրամադրել է Կիևին, ինչպես նաև պարունակում է նոր պարտավորություններ, որոնք ստանձնում է Մեծ Բրիտանիան։

Զելենսկու հետ Սթարմերը ծաղիկներ է դրել Ռուսաստանի հետ պատերազմում զոհվածների հիշատակը հավերժացնող հուշակոթողին և լրագրողներին ասել, որ Բրիտանիան «երբեք չի հրաժարվի» Ուկրաինային աջակցելուց։

Արարողությունից մոտ մեկ ժամ անց Ուկրաինայի մայրաքաղաքում պայթյուններ են լսվել, իսկ կարճ ժամանակ անց՝ օդային ռմբակոծության մասին ահազանգ է հայտարարվել անօդաչու թռչող սարքի հարձակման սպառնալիքի պատճառով։