ԱՄՆ 14 նահանգ դատական հայցեր է ներկայացրել Դոնալդ Թրամփի եվ Իլոն Մասկի դեմ. Մասկը պատասխանել է
ԱՄՆ-ում 14 նահանգ դատական հայց է ներկայացրել միլիարդատեր Իլոն Մասկի և Սպիտակ տան ղեկավար Դոնալդ Թրամփի դեմ՝ պատճառաբանելով, որ նրա նշանակումը Կառավարության արդյունավետության դեպարտամենտի (DOGE) տնօրենի պաշտոնում «հակասահմանադրական է»։
Ամերիկյան The Hill թերթի փոխանցմամբ՝ Նյու Մեքսիկո, Արիզոնա, Միչիգան, Կալիֆորնիա, Քոննեքթիքութ, Հավայան, Մերիլենդ, Մասաչուսեթս, Մինեսոտա, Նևադա, Օրեգոն, Ռոդ Այլենդ, Վերմոնտ և Վաշինգտոն նահանգները հայտարարել են Թրամփի, Մասկի և DOGE-ի դեմ դատական հայցեր ներկայացնելու մասին։
Խնդրագրում ասվում է, որ Մասկի նշանակումը DOGE-ի տնօրենի պաշտոնում «հակասահմանադրական է» և նրան տրված լիազորությունները անվանում են «անսահմանափակ և չստուգված իշխանություն»:
«Նախագահ Թրամփը թերագնահատում է այն պոտենցիալ ռիսկը, որ ներկա իրավիճակը ներկայացնում է ազգի համար։ Թրամփը պարոն Մասկին տվել է գործնականում անսահմանափակ լիազորություններ՝ առանց Կոնգրեսի համապատասխան թույլտվության կամ նրա գործունեության ողջամիտ վերահսկողության»,- ասվում է փաստաթղթում։
Միևնույն ժամանակ, Մասկը պատասխանել է վերջին հայցերին, որոնք ներկայացվել են Թրամփի գործադիր հրամանների դեմ X սոցիալական մեդիայի կայքում:
«Եթե որևէ դատավոր ինչ-որ տեղ կարող է հանգիստ կասեցնել նախագահի ցանկացած գործողություն, դա նշանակում է, որ մենք ժողովրդավարական պետությունում չենք ապրում»,- գրել է միլիարդատերը։
