F-35 կործանիչները չեն գնա Թուրքիա. ԱՄՆ Կոնգրեսի ներկայացուցիչ
Հունական «Kathimerini» թերթը գրում է, որ Նյու Յորքում կայացել է հունական սփյուռքի միջոցառում։
Միջոցառմանը մասնակցել է ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի անդամ Գրեգորի Միքսը (հանրապետական), ով հայտնել է, որ հանձնաժողովը դեմ կլինի Թուրքիային «F-35» կործանիչների վաճառքի հարցում։
Նա մասնավորապես նշել է. «Ես կարող եմ ձեզ ասել, որ F-35 կործանիչները չեն գնա Թուրքիա: Մենք կապահովենք, որ Հունաստանը շարունակի իր ռազմավարական առաջընթացը»։
Մարտի 16-ին կայացել էր ԱՄՆ-ի նախագահ Դոնալդ Թրամփի և Թուրքիայի նախագահ Ռեջեփ Թայիփ Էրդողանի միջև հեռախոսազրույցը, որի ընթացքում նախագահներն անդրադարձել էին «F-35» կործանիչների ծրագրում վերստին ընդգրկման գործընթացների վերջնականացման հարցը։
