Հայկական կողմը, բազմաթիվ գործընկերներ աշխատում են՝ իրականություն դարձնելու խաղաղության համաձայնագիրը. Սիմոնյան
«Հայկական կողմը, միջազգային բազմաթիվ գործընկերներ աշխատանքներ են տանում, որպեսզի իրականություն դարձնեն խաղաղության համաձայնագրի կնքումը»:
Այս մասին լրագրողների հետ զրույցում ասել է ՀՀ ԱԺ նախագահ Ալեն Սիմոնյանը՝ անդրադառնալով խաղաղության համաձայնագրի հետ կապված հարցին:
Ըստ Սիմոնյանի՝ քննարկումները շարունակվում են:
«Կա համաձայնություն՝ առաջիկայում այդ քննարկումները շարունակելու:
Չեմ բացառում, որ այդ քննարկումները կշարունակվեն մոտ ապագայում երկրի ղեկավարների, ԱԳ նախարարների ձևաչափով»,- ասել է ԱԺ նախագահը:
Նրա խոսքով՝ այն մտավախությունները, որոնք հնչեցնում է Ադրբեջանը, իրավական դաշտում գոյություն չունեն:
