Իրանի դեմ ԱՄՆ գործողությունները չկարողացան փոխել ուժերի հավասարակշռությունը Իսրայելի օգտին. ԻՀՊԿ
Միացյալ Նահանգները, միանալով Իսրայելի գործողություններին Իրանի դեմ, չկարողացավ փոխել հակամարտության մեջ ուժերի հավասարակշռությունը իսրայելական կողմի օգտին։
Այս մասին ասվում է Իսլամական հեղափոխության պահապանների կորպուսի (Իրանի զինված ուժերի էլիտար ստորաբաժանումներ) հայտարարության մեջ։
«Հանցագործ և պարտված ամերիկյան բանակի մուտքը հակամարտության մեջ՝ սիոնիստական զինված ուժերի դժբախտ զինվորներին փրկելու համար, չկարողացավ փոխել ուժերի հավասարակշռությունը և Իրանի գերակշռող ուժը», — ասվում է հայտարարության մեջ։
ԻՀՊԿ-ն նշել է, որ Թեհրանը «կրկին» դա հասկացնել տվեց Վաշինգտոնին՝ Կատարում գտնվող ամերիկյան բազայի վրա պատասխան հարված հասցնելով։
