Չինաստանն առաջին անգամ շքերթի ժամանակ ցուցադրել է իր ռազմավարական միջուկային եռյակը
Չինաստանի Ժողովրդա-ազատագրական բանակը Պեկինում կայացած հանդիսավոր շքերթի ժամանակ առաջին անգամ ցուցադրել է երկրի ռազմավարական միջուկային եռյակը ներկայացնող հրթիռներ:
Այս մասին գրել է ՏԱՍՍ-ը:
Ցուցադրվել են «Цзинлэй-11» հեռահար ավիացիոն հրթիռը, «Цзюйлан-3» սուզանավից արձակվող միջմայրցամաքային հրթիռը, ինչպես նաև «Дунфэн-61» և «Дунфэн-31» ցամաքային միջմայրցամաքային հրթիռները։
Ավելի վաղ հայտնել էինք, որ Պեկինում մեկնարկել էր Հաղթանակի շքերթը:
Երկրի գլխավոր հրապարակում լայնածավալ տոնակատարությունները սկսվել են Չինաստանի Ժողովրդական Հանրապետության նախագահ, Կենտրոնական ռազմական հանձնաժողովի նախագահ Սի Ծինփինի ելույթով, որին հաջորդել է ռազմական շքերթը․ դրան մասնակցել են հազարավոր զինվորականներ, ավելի քան 100 ինքնաթիռ և երկրի զինված ուժերի հարյուրավոր ցամաքային տեխնիկա։
Ի թիվս այլ երկրների ղեկավարների՝ ՀՀ վարչապետ Նիկոլ Փաշինյանն ու Աննա Հակոբյանը ևս Պեկինում մասնակցել են Երկրորդ համաշխարհային պատերազմի ավարտի 80-ամյակին նվիրված հանդիսավոր շքերթին:
