«Գարեգին Բ-ի նկատմամբ վարույթ նախաձեռնելու» հրապարակումների հետ կապված ՔԿ-ն հայտարարություն է տարածել
ՀՀ քննչական կոմիտեի մամուլի քարտուղար Կիմա Ավդալյանը անդրադարձել է լրատվամիջոցների հրապարակումներին, ըստ որոնց՝ Գարեգին Բ-ի նկատմամբ քրեական վարույթ է նախաձեռնվել:
«Ինչպես արդեն մեկնաբանել եմ, համացանցում տարածվող ձայնագրության վերաբերյալ ստացված հաղորդման առթիվ նախաձեռնվել է քրեական վարույթ:
Քրեական վարույթը նախաձեռնվում է դեպքի/փաստի առթիվ, ոչ թե ԱՆՁ-ի նկատմամբ: Անձի վերաբերյալ Քրեական դատավարության օրենսգրքում կա «հանրային քրեական հետապնդում» ձեւակերպումը:
Ֆեյսբուքյան հարթակում տարածվում է շատ մեղմ ասած՝ անգրագիտություն:
Խնդրում եմ, պաշտոնական մեկնաբանությունը սոցցանցերում չվերափոխել մանիպուլատիվ բնույթ կրող տեղեկատվության»,- գրել է նա:
Ավելի վաղ ՀՀ քննչական կոմիտեից հայտնել էին.
Ձայնագրության բովանդակությունից հասկացվում է այն, որ Գարեգին Բ-ն եկեղեցականներին ստիպել է մասնակցել հակաիշխանական ցույցերին, որի դեմ որոշ հոգևորականներ ընդվզել են:
